محترم حضرت حکیم صاحب السلام علیکم! تقریباً تین سال سے عبقری رسالہ کی قاریہ ہوں اور اڑھائی سال کے عرصہ سے آپ کے درس آپ کی ویب سائٹ سے ڈاؤن لوڈ کرکے سنتی ہوں‘ جس سے مجھے بے پناہ فائدہ ہوتا ہے۔آپ کے درس‘ مردہ دل میں زندگی کا احساس پیدا کرتے ہیں اور جینے کی امنگ پیدا کرتے ہیں۔ رسالہ عبقری کیلئے تو دکھی دلوں سے بے شمار دعائیں نکلتی ہیں ‘ اللہ پاک آپ کو‘ آپ کی نسلوں کو اور آپ کے معاون لوگوں کوقیامت تک شادو آباد رکھے اور آخرت کی دائمی اور ابداً ابدا خوشیاں آپ کا اور پوری امت محمدیہﷺ کا نصیب بنادے۔ آمین!
ایک عمل عبقری شمارے میں پڑھا آزمایا بہت لاجواب پایا‘ پیش خدمت ہے۔ اول و آخر تین بار درود شریف‘ ایک مرتبہ سورۂ فاتحہ اور تین بار سورۂ اخلاص ہر دفعہ تسمیہ کے ساتھ‘ اس عمل کے ان گنت فوائد ہیں جو شمار نہیں کرسکتی اور یہ عمل ایک ایسے تیر کی مانند ہے جو نشانے پر جاکر لگتا ہے اس کے کچھ فوائد لکھوں گی۔ میرے بھائی غصے کے بہت تیز ہیں اور غصے میں انہیں کچھ سجھائی نہیں دیتا‘ بعض اوقات گھر والوں سے ناراض ہوکر بولنا تک چھوڑ دیتے ہیں‘ ایک دفعہ ایسا ہی ہوا میں نے کچھ دن یہی عمل پڑھ کر ان کی روح کو ہدیہ کردیا اور دعا کی کہ اے اللہ پاک ان کے دل کوٹھنڈا کردے اور وہ ایسے ٹھنڈے ہوئے کہ اب ان کوغصہ آتا ہی نہیں‘ بہت خوشگوار موڈ میں سب سے بات کرتے ہیں‘ حالانکہ پہلے ہم ان سےبات کرتے ہوئے بھی ڈرتے تھے لیکن اب وہ ڈر ختم ہوگیا ہے۔ میرے والد اور چچا کے درمیان سخت کشیدگی تھی‘ وہ اکٹھے بھی بیٹھتے تو ایک کا چہرہ ایک طرف اور دوسرے کا دوسری طرف ہوتا۔ پڑھ کر ان دونوں کو ہدیہ کرتی رہی‘ اب
ان کے حالات بہت بہتری کی طرف آرہے ہیں‘ ایک دوسرے سے بات چیت شروع کردی ہے۔ اگر کوئی آپ سے سخت ناراض ہو اور کسی طور راضی نہ ہوتا ہو تو ایک تو یہ وظیفہ پڑھ کر اسے ہدیہ کرتے رہیں اور دوسرا اس کے حق میں دعائیں کرتے رہیں اس کا دل آپ کیلئے انتہائی نرم ہوجائے گا۔ امتحان یا انٹرویو کیلئے جاتے وقت یہ وظیفہ پڑھ کر اس کا ثواب اللہ پاک کی تمام مخلوقات کو کردیں‘ پھر اللہ سے دعا کریں کہ اللہ پاک ان تمام مخلوقات کو مجھ سمیت پوری امت کی کامیابی و کامرانی کیلئے دعامیں لگادے‘ اور نہ صرف دنیا کے بلکہ آخرت کے امتحان میں بھی کامیابی عطا فرمائے۔ قارئین سے گزارش ہے کہ دل میں صرف ایک مرتبہ یہ وظیفہ کرکے اس کا ثواب پوری امت محمدیہﷺ کو کردیں اور دعا کریں اللہ پاک اس کی بدولت بھائی چارے کی فضا پیدا کرے‘ دلوں میں بغض‘ کینہ‘ حسد‘ منافقت‘ نفرت اوردیگر اخلاق رذائل کو نکال کر ان کے دلوں کو امن کا گہوارہ بنائے۔ (ش، ٹبہ سلطان پور)

کچھ ایسے عمل جو عبقری رسالہ سے پڑھے اور ان سے فیض پایا‘ پیش خدمت ہیں‘

عبقری کے ایک شمارے میں پڑھا کہ اگر جمائی آئے تو فوراً